Ålesund Kommunale Eigedom KF

Føretaket er kommunen sitt verktøy for gjennomføring av eigedomspolitikken i kommunen, og skal ivareta eigaransvaret for dei kommunale eigedomane i Ålesund kommune. Vidare skal føretaket sikre og oppretthalde verdiane i eigedomane og bygningsmassen. Føretaket skal støtte opp under kommunen sine overordna strategiar og planar. Føretaket skal forvalte og utvikle eigedomsmassen etter forretningsmessige prinsipp. Føretaket skal bidra til ein sunn og stabil eigedomsøkonomi. Føretaket skal ha ein klar klima-, energi- og miljøprofil, tilpassa den strategien som til ei kvar tid er gjeldande for kommunen. Føretaket skal syte for utvikling og styring av kommunale byggeprosjekt. Føretaket skal ivareta ei sikker og god forvaltning av kommunen sine bustader for vanskelegstilte innbyggjarar gjennom utleige av desse. I tillegg skal føretaket behandle søknadar frå innbyggarar på startlån- og tilskot til eigen bustad.